एक केजी च्याउको मूल्य १७ हजार !
मनाङ, १२ असार, । एक केजी च्याउको मूल्य कति होला ? तपाईलाई अचम्म लाग्ला तर हिमाल पारीको जिल्ला मनाङमा भने यसको मूल्य प्रतिकेजी १७ हजार रुपैयाँ रहेको छ । चिनियाँ बजारमा सोही च्याउ ८० हजार रुपैयाँ सम्म बिक्ने गरेको छ ।
जंगलमा पाईने जाली (गुच्छी) जातको सुकेको च्याउ यति धेरै महंगोमा बिक्ने भएकाले च्याउन खोज्न र किन्न व्यवासायीहरुबीच तँछाडमछाड हुने गरेको छ ।
विभिन्न जिल्लाबाट आएका कामदार र स्थानीय बासिन्दाले जंगलबाट ल्याएको काँचो च्याउ किलोको सातसय रुपैयाँदेखि १ हजार रुपैयाँसम्म बेच्ने गरेका छन् । सोही च्याउलाई सुकाएर व्यापारीले भने प्रति किलो १७ हजार रुपैयाँमा बेच्दै आएका छन् ।
पाँच किलो आलो च्याउ सुकाउँदा एक किलो बन्ने उनीहरुको भनाई रहेको छ । सुकेको च्याउको काठमाण्डौं लगायतका बजारमा माग रहेको छ । - कान्तिपुर दैनिक
0 comments